मिजं व मिसा पासा जक जुइला ?
इ हिलाच्वंगु दु अले मनूतयगु बीचा नं । आ व इ मखे धुंकल गबले छम्ह मिसा व मिजं पासा जुइ फइमखु धाइ । आ उपिं पासा जक मखु बेस्ट फ्रेन्ड नं जुइ । थौं कन्हय् छम्ह मिसा व मिजं पासा जक जुइला धका न्यनेगु बेमानी जुइ । छाये धासा थौं कन्हय् गनं मिजं तयेगु जक पहुच दयाच्वंगु खः आ मिसात हरेक क्षेत्रय् थयागु शसक्त भूमिका न्ह्यब्वया च्वंगु दु । मिजं व मिसा नापं ब्वनी, नापं ज्या याइ अले गुलीला पासाया कथं जक नं नापं च्वनी ।
झी चेञ्ज जुया च्वंगु दु
मिजं व मिसा नापं ज्या याइ, नापं ब्वनी । छम्हेस्या मेम्हेसित थगु नुगया खँ त प्वंकी । समाजं पनातगु छुनं खँ त दु बुलुहुँ उमिसं चिका हयाच्वंगु दु । लैंगिक आधारं भेदभाव यायेगु आःनं जुसां मिजं व मिसायागु फ्रेन्डशीपयात न्हापा सिवें सामान्य पाखेँ स्वयेगु याना च्वंगु दु । मिजं व मिसातय्सं नं फ्रेन्डशीप याता अप्वहे सरलता कथं कया च्वंगु दु । आम मध्यमवर्गीय परिवारय नं उमिगु सम्बन्ध स्वीकारे यायेगु अप्वया च्वंगु दु । अयनं थ्व विचा न्हापा निसें वयाच्वंगु खः कि छम्ह मिसा व मिजं पासा जक जुइ फइ मखु । अले थौं कन्हय् नं आःपालं आपा मनूतयसं थगु नुगलय् थ्व खँ तयाच्वंगु दु कि छम्ह मिसा व मिज पासा जक जुइ फइमखु धका । थ्व धापुयात मानेयाइपिंसं धाई कि निम्ह अखः लिङ्गयापिं जुइ । वहे जुया निम्हेसिया प्रति आकर्षिक जुइगु स्वाभाविक खः । निम्हेसिया दथुइ फ्रेन्डशीप जुइधुंका अन मतिना अले सेक्स जुइ धइगु उमिगु आशंका खः ।
समाज, चाहे व गां जुइमा वा शहरय्, अप्व थें मनूतयसं मिसा व मिजंयागु फ्रेन्डशीप यात पचेयाये मफु । न्ह्याबलयनं उमिगु सम्बन्धया खँय् उमिसं वैचारिक मंथन यानाहे च्वनी । उमीगु मनय् थ्व खँ दया च्वनीकि थुपिं निम्हेसिया दथुइ छुनिं छुं दु धका ।
पासाया आधार विश्वास खः
सम्बन्ध न्ह्यागु हे जुइमा विश्वासया आधारय् जुइ । तर, थ्व सम्बन्ध मिसा व मिजंया पासाय् वल धासा खँ भचा मछिना वनी । छाय् थें मस्यु गुली मनूतयत थ्व सम्बन्ध यइ मखु । उमिगु मिखाया धु थें जुइ मिजं व मिसाया पासाया सम्बन्ध । मिजं व मिसा पासा जक जुइ फइ धइपिं यक्व दयावया च्वंसा थ्व न्ह्यसः सुचूक्क हे चाहि मसिधःनी ।
मिजं व मिसा पासाजक जुइ फइला?
थौंकन्हय् मनूतय्सं हरेक सम्बन्धयाता थगु सोच व आवश्यकता अनुसार बदले याइ । थन खँ जुवा च्वंगु दु पासा यागु गु छगु तसकं हे बांलागु सम्बन्ध खः । गुकियु क्वाःन दकसित लुमुन्की । अले जुन सम्बन्ध वंश वा परम्परां पाखें दइमखु, बरु झिसं थम्हं तु ल्यइ । पासाया सम्बन्ध हरेक किसिमयागु भेदभावं तपाक्क जुइ । दकलय् यचू, जाति–धर्म नापं थुकिगु छुन स्वापु दइमखु, धनी गरिबं थुकेत गुबलय्नं थिइफइ मखु । अयसां थ्व सम्बन्धयात लिङ्गयागु आधारय् छाय् भेदभाव याइ? पासा सिर्फ पासा जुइ । पासायागु सम्बन्धय् थ्व न्ह्यःस गबलय् नं उचित जुइ मखु कि पासा मिसा खः कि मिजं ।
No comments
Post a Comment